Nù schizz'e lava
mmiez'a ll'onn,
s'arrefredda e nun'affonn.
Nù lapill'e n'eruzione
appuiat là, pe caso.
Nù scunciglio e meraviglia,
na bellezza mmiez'e belle.

E' a nennella de trè Sore
dint'a nù scenario d'oro.

Cielo azzurro, mare blù,
nù tramonto russ'e fuoco
p'appiccià milion'e stelle,
dint'a ll'aria nà canzona
e ll'addore de llimon.

Tir'a rezza o piscatore!

Vich'astritt, case antiche,
piazz ca songh terrazze
affacciate n'copp'o mare.
Fann festa lli Campane
po Rusario dint'e Chiese.

Mamme e spose
mai nà lagna.
Quann l'omm va pe mmare
"a Maronna t'accumpagna"