Na vota si dicia ca Favara producia briganti
ora produci poeti e cantanti.

Chi forsi la terra bagnata di lu sangu di tanti 'nuccenti
si stancà di parturiri tinta genti?

Stu paisi sta dannu lu megliu fruttu
d'abbunnanza e di bonu costruttu.

Paroli in rima ca vennu di lu cori
e vuci di melodiosu sonu ca su tisori
'ntisimu stasira e s'arricrià l'arma tutta a siratina.

E tutti nantri vinuti o Casteddu
pi stu Natali di bona crianza
sintimu parlari d'amuri e di spiranza
sintimo chiù vicinu la genti,
vinuta di luntanu e di l'amica Girgenti .

Sti mumenti servunu pi crisciri
a granni e picciliddri e
sunnu organizzati propriu da chiddi pirsuni
ca ci tennu ancora a li tradiziuni.

Mi resta di farivi i me cumplimenti
ca sunnu certu pocu e nenti
di fronti o caluri du Natali
ca n'arrigalastivu veramenti.