A Mugghieri dù Mari! di Anna Maria Scamarda (Dialettali)

Bedda!
Diamanti supra a Terra.
Intra lu Stivali ca t’ànnaca
Nà lu pettu
E dù mari ca ti furria tutt’attornu.
Mbriacu dè toi maravigghi!
Bedda!
Comu na mugghieri ò nasciri dù Suli!
Tinci d’astati a maggìa dò Munnu
Pi l’occhi nnammurati dè toi figghi.
E dù forasteru ca ci tagghi u sciatu!
Zàffiru, à matina, lu to nnammuratu
Luci d’azzurru.
Comu l’occhi dò Signuri supra l’Universu.
E ò tramuntu...
E’ n’àncilu ca ioca chi petri di curaddi.
Appòi... quannu li stiddi, sazzi dà luna,
U scurunu dù nchiostru,
Trimuli perli annacunu, nà notti,
Di virità li Cunti...
Dè nostri, Giuvanni lu Verga, l’Eccellenza!
Bedda!
Macari quannu, dulenti l’ossa toi,
Nò cori, a rranni miludìa
Nun’à mai dittu nò ò iucusu Cantu.
Di sirinati cù viulini, chitarri e mannulini!
Ammucciati li cicali, di l’Amuri, a n’tunarini lu versu...
Bedda!
Rranni geniu, i figghi toi, attìa
Offrunu l’Onuri!
E tra chisti, n’autra Eccellenza, lu Bellini,
Chi sinfunia d’amuri appicciau li cori!
Bedda!
Mentri lu to chiantu si scatina
Pì figghi toi sparsi pì la Terra!
Ma, dò duluri, nun vogghiu
chi a to arma s’affliggi...
Nudda forza mai po’ scippàri
Dò cori li Radici!
Bedda!
Tu sì intra lu Suli appassiunata Terra!
E pì nuàutri ca nà panza to nascimu,
Quannu arriva l’ura, e l’arma,
Iàuta, itta a vela ò ventu,
Intra àttia,
Intra àttia sulamenti
Vonnu durmiri l’ossa...

TRADUZIONE:

La Sposa del Mare

Bella!

Diamante sulla Terra.
Nello Stivale che ti culla in Seno,
E del Mare che ti corteggia tutt’intorno
Ubriaco delle tue Meraviglie!

Bella!

Come una Sposa al Sorgere dell’Aurora!
Dipingi d’Estate la Magia del Mondo
Per gli occhi innamorati dei tuoi figli.
E del forestiero che gli mozzi il fiato!
Zàffiro, al mattino, il tuo Amante
Riluce d’Azzurro.
Come gli occhi di Dio sull’Universo.

E al tramonto...
E’ un Angelo che gioca
Con pietre di corallo.
Poi... quando le stelle, sazie di luna,
L’oscurano d’inchiostro, tremule perle
Cullano, nella notte, di Verità i Racconti...
Dei nostri, Giovanni il Verga, l’Eccellenza!

Bella!

Anche quando... dolenti le tue ossa,
Nel cuore, l’Immensa Melodia
Non ha mai negato il lieto Canto
Con violini, chitarre e mandolini!
Nascoste le cicale, dell’Amore,
Ad intonarne il verso...

Bella!

Gran genio i figli tuoi, a Te offron l’Onore!
E fra questi, altra Eccellenza, il Bellini,
Che Sinfonie d’Amore accese i cuori...

Bella!

Anche mentre il tuo pianto irrompe
Per i figli tuoi sparsi su altre Terre.
Ma del dolore, non voglio
Che la tua Anima s’affligge...
Nessuna forza mai potrà estirpare
Dal cuore le Radici!

Bella!

Tu sei nel Sole appassionata Terra!
E per noi, che dal Ventre tuo siam nati,
Quando, giunta l’ora,
L’anima spiegherà la vela al vento,
In Te,
In Te soltanto
Vorran dormir le spoglie...

19’815 visitatori in 24 ore 661 visitatori online adesso

L'edera

A Mugghieri dù Mari!